藝人張達明（達Ming）與農夫成員陸永及C君，昨晚於伊館演出《達明農夫已經爆咗棟篤唱》，吸引唔少圈中藝人捧場，包括有組合Super girls隊長Aka、歌手糖妹、藝人鄧佩儀及Talk Show男神黃子華，捧得場梗係唔少得集郵啦！

糖妹孖實三位主角合照，留言：「達Ming x 農夫 《已經爆左》棟篤唱，如果你沒去看，你就真的錯過了。#以後見倒陸永大家唔好叫錯陸浩喇#原來我識好多農夫嘅歌#最尾首慢歌好好聽叫表演者。」而Aka就大讚「Good SHOW!」

除咗三位主角係大家嘅集郵對象之外，子華神都係大家嘅合照對象，農夫孖住黃子華合照，C君留言：「晚上#達明農夫棟篤唱已經爆咗 有我男神，子華神捧場啊（呀）！」而Aka都唔放過呢個集郵機會，Mark實子華神嚟張合照，粉絲仲話佢哋係男神同女神合照添！

張達明同農夫嘅《達明農夫已經爆咗棟篤唱》，吸引唔少圈中藝人捧場。

農夫同子華合照，C君仲話子華係佢嘅男神。

Aka都有同子華合照，粉絲仲話佢哋係男神同女神。