近期正籌備出唱片的黃子華，昨日與蔡少芬出席劇集《棟篤神探》宣傳活動，問子華可會仿效杜德偉在台上除褲？他自言沒有底線，並表示一世人最多只露一次。

黃子華、蔡少芬及胡楓等無綫劇集《棟篤神探》的演員，昨日在尖沙嘴海運大廈SportX籃球場出席宣傳活動。眾演員除進行比賽外，更開香檳慶祝上周平均收視達三十一點，胡楓的三名孫兒亦有到場支持。

一生只露一次
黃子華昨日被問到可有留意近日來港的人氣偶像孔慶翔（William Hung），他表示全力支持對方，他說：「每個有理想嘅人通常一開始都俾人覺得騎呢，當年我話要做演員，連我個妹都問我係咪發夢，直至入咗話劇團，啲同事見我咁嘅樣，叫我不如轉做幕後，佢哋都話係為我好，William嗰句『盡咗力、冇遺憾』，真係打動到美國佬，我覺得所有努力過嘅人，都明白呢句說話嘅真諦。」
子華近期正籌備出唱片，問他可會仿效杜德偉在台上除褲？他說：「如果想趕絕班客咪除囉！我係一個冇底線嘅人，曾經有片商搵我，話有套戲要我露下體，但我認為一世人最多只係露一次，都要睇吓成套戲係咪真係有咁嘅需要。」

蔡少芬和黃子華為《棟篤神探》收視報捷，開香檳慶祝。

胡楓在子華（右）的協助下，站在短梯上入樽。

黃子華打籃球的姿勢騎呢又搞笑。