現年55歲嘅棟篤男神黃子華，唔搞棟篤笑，改同高登女神陳法拉7.1開騷做舞台劇《前度》，之後將同佘詩曼合拍新片《棟篤特工》，忙得不可開交。

噚日6點幾，見到男神單拖現身銅鑼灣，口罩、賊仔帽唔少得，唔知係未正式埋位定件衫太緊身，見到男神個小肚腩／胃腩乍現。

男神此行似乎係想搵嘢食，佢由利園商場一直行到加路連山道嘅食肆，睇過幾間餐廳放喺門口嘅餐牌之後，最後入咗一間賣日式咖哩湯飯店買外賣。

喺店內等外賣嘅時候，似乎冇人認到男神嘅身份，當侍應遞上一杯水畀子華時，佢以閃電手脫口罩，飲水一氣呵成。攞咗外賣之後，男神一出門口就違法跑過馬路，極速跳上的士，但又唔係發現有記者影相。究竟咩事咁急呢？

一支公搵食

睇啱喇

係喎，真係有啲腩喎！

仲疑似飛釘…