葉童、黃子華及林嘉華昨日為新劇《奸人堅》試造型，子華奉監製之命要奸得徹底：「監製叫我盡情去奸，咁到時做番少少嘢就博到同情，從來冇劇畀奸人做主角，唔知觀眾頂唔頂得順。我對呢套劇好有信心，一定會係電視生涯史上『癲』峰，尋晚都慶咗功，女主角請。」

記者問葉童為何劇集未開拍已慶功，她說：「唔係慶功，諗住趁套劇未開，大家食吓飯開心吓，而且我同佢哋第一次合作，想知道大家對戲係點啫！（怕唔怕被子華整蠱？）頭先整蠱咗啦！」而飾演黃飛鴻的林嘉華則要將導人向善宗旨發揚光大，用口多過用手，他坦言不怕被子華搶鏡。

造型會上，黃子華（右起）、葉童及林嘉華已玩個不停。