黃子華昨日為劇集《奸人堅》拍攝在火場勇救葉童戲份，席間子華雖然也有替身為其演出高難度動作，但子華入火場場面依然要親身上陣，而且還要相當貼近熊熊烈火，十分驚險，子華坦言感擔心：「因為要打又有火，正所謂拳腳冇情，水火冇眼，今次拍呢個劇收夠籌，電視劇可以做嘅都做晒，有代表作啦。（係咪畀動作戲嚇怕左？）都有幾分㗎。（咁有冇買重保險？）保險有買，重唔重唔知，都唔想用得著。」

曾跟郭羨妮（Sonija）傳緋聞的子華，自言忙於拍戲，無留意Sonija被指介入陶大宇離婚的新聞，子華謂：「好在唔得閒，可以專心做嘢，同埋唔關自己事，無謂置評。（點睇Sonija被人指係第三者？）都慘㗎。（咁合作時你有冇被Sonija電親？）我同佢果部戲都係騎呢角色，冇乜感情戲，唔使電來電去。」

另葉童拍攝完昨日戲份就大功告成，她謂：「我可以如期復活節後返上海拍大陸劇，（你之前發高燒『lum』廠，身體點樣？）依家無事啦，呢幾日個劇埋尾都唔算好辛苦。」

火光熊熊，子華死頂繼續演戲，後面的葉童表情真嘅一樣。