黃子華自導自演的賀歲檔電影《乜代宗師》上映，最近有網民發起罷睇「紅色」賀歲片，其中《乜代宗師》就被批為一星，即「有討論空間的製作 」，原因是有人覺得黃子華的新戲在深圳取景，不是香港人電影。

黃子華今日在FB開live，就網民的指控回應，他說：「大家知我最近拍咗套戲，有啲朋友覺得子華收咗幾百萬片酬，剝削咗工作人員，令有啲人少咗人工，又有人冇戲開。」子華大吐當中苦水，更透露原來自己沒收到片酬，身兼多職並要賣樓換取開戲資金：「套戲係剝削所有人，台前幕後我都叫人平啲平啲，我係一毫子都冇收過，真實係……我係賣咗樓拍呢套戲。」

子華又澄清電影不是合拍片，他解釋：「大家都知咩叫合拍片啦，呢套唔係，我第一日已經係想拍畀香港人睇。」子華說之所以不選擇以合拍片方式，因為4個字 —— 自由自在，他說：「我想好自由自在拍呢套戲，我唔想俾人控制我要點拍。套戲香港人投資、香港人賣樓、俾香港人睇，呢個係我心態。」

賣樓開戲，子華說沒考慮過回本：「我冇信心，輸少當贏。冇可能翻到本再買番樓，我諗淨係返番間房，或者係返番個水龍頭，都唔緊要啦，我想要自由自在拍，最起碼忠於自己。」

有人質疑電影返深圳開工，子華都有解釋：「香港情況係點大家都知，我問咗人，賣樓可以喺香港拍15日，但我套戲要拍50日，我唔係啲資深導演，可能佢哋15日得，我真係冇呢個能力。因為要取景啦，仲要廠房，都係錢嚟，如果要喺香港拍，可能要賣更多嘢。」

子華最後形容自己係儍佬：「全行都認為我係儍佬，賣樓去拍，99%冇得翻本嘅戲。面對住咁嘅環境，做咗出嚟，我講番真實情況俾大家聽，睇唔睇，唔係好緊要。」

黃子華今天開Facebook直播。（FB圖片）

提到網民指他慳皮兼剝削《乜代宗師》台前幕後員工，子華表示全劇組都有份「被剝削」。（FB圖片）

他更提到自己是賣樓來籌集拍片資金，沒想過有回報。（FB圖片）

子華表示開直播只是為了澄清傳聞，更自認是個「儍佬」。（FB圖片）