有冇試過好想買一樣嘢，但撲來撲去都買唔到……男神黃子華同法拉合演嘅舞台劇場場爆，可以話係一票難求，子華為咗唔想益啲黃牛黨，噚日再宣佈8月再加演11場舞台劇，睇嚟子華最近都有排忙……
不過噚晚7點幾，《蘋果》就野生捕獲子華神，見佢一支公揸車去大坑，先泊咗架車喺路邊，拎住環保袋，走咗入一間專賣紅酒白酒嘅店舖，不過子華神入咗去一分鐘就行咗出去，估計係佢想買嘅酒冇貨。
佢再上車，揸咗去隔籬街嗰間便利店，子華應該有晒想買，點知入去發現想買嘅嘢又係冇貨，子華惟有增值八達通就閃，未知係唔係想買嘅兩樣嘢都買唔到，子華行出門口時，竟然有啲可愛咁扁晒嘴，最終揸車走人。
黃子華踢人字拖落大坑。
買唔到，想要嘅嘢…即扁晒嘴…