黃子華與蔡少芬的新劇《棟篤神探》首播不久，昨日他特地返電視城做宣傳，談到前晚其中一幕講述他在洗手間向正在如廁的蔣志光問話的戲份，蔣的褲子脫至小腿位置，而面向鏡頭時又刻意「打格仔」，子華十分開心說：「根本就係着住條褲，大家只係搵位搞笑啫，（係你提議？）唔記得囉，集體創作啦，我當時都質疑過有冇人小便時條褲會除到咁低，但係好幾個人都話見過，咁我真係孤陋寡聞嘞。」

收視理想請食飯
對於此劇，子華當然有期望，他曾笑言像拍《男親女愛》時遇見周潤發可帶來好運，問到他最近踫見發哥沒有，他笑說：「夢中就見到，（咁你想收視有幾多點？）九點半（播映時間）啦，而家啲劇有幾多部首周過卅點先？冇！咁我哋首周見個三字就慶功，鍾意食乜就食乜。」子華還揶揄當日方中信聲言收視高請大家去泰國旅行：「我冇諗過五十點請大家去泰國呀吓，只係去食泰國菜啫。」