「相處真係好困難，你係兩種唔同物種相處，有冇聽過一個名言，「保圍鈎魚台 生擒蒼井空」，我唔記得係生擒定活捉，都係嗰隻啦，釣魚台是中國的，蒼井空是世界的，其實冇人想講蒼井空是我上架床的。
有冇人唔知蒼井空係邊個，我諗全場得我一個唔知，我真係我發誓…（全場噓）
台下啲男士噓，我同你哋唔同，我唔需要自己去搵㗎。（掌聲四起）
我第一次聽蒼井空，我以為係一種雀，聽個名好似某種鷹咁，保圍釣魚台要活捉一樣嘢，咁釣魚台有咩啫，咪以為係雀嚟囉。

你試諗一諗各位女仕，依家講緊國土完整咁大問題，可能會打仗，一講出嚟好多男人就諗起野味，生擒活捉…咪死咗話你聽，唔係每一個男人咁。