【黃子華開騷】（生產力篇）點解耶穌復活有假放死咗冇假放呢？

2014年10月7日 | 蘋果日報

子華騷噚晚又秒論生產力：「啲人生仔就放前四後六，放幾個月假，死老豆就放一日，係咪？點解，所有都係講生產力，你個仔生出嚟將來有生產力，你阿爸冇將來。

唔係咁絕情呀？我識我老豆幾十年，個仔唔係我生出嚟，我真係唔知佢貴姓。怕你呀，提早放日端午節，屈原個仔死老豆有幾多日放呀？都係端午節一日呀，佢仲要包糭去賣，有生產力添，你諗清楚，生產力好緊要。耶穌出世有聖誕節，因為有生產力，咪放假囉，耶穌死係冇假放，然後耶穌復活又去放假，復活節囉。