休息兩年復出做代言人 黃子華:搵食啫

2021年5月22日 | 明報

黃子華近年較少公開露面,近日他復出擔任餐飲平台的代言人,片段中他大談港人最在意的「搵食」話題。一句「搵食啫」掛在嘴邊,黃子華表達有得揀的信息,說香港人的生活心聲,他說:「畀你更多時間去搵吓朋友、搵吓家人、搵吓愛、 搵吓自己。」

黃子華也談及近况說:「休息兩年,人真係要去休息吓㗎!諗吓自己想要乜,陪吓家人做自己想做嘅嘢,然後再出發,咁樣先至會有力量,目標先至清晰!𠵱家生活追求簡單啲,科技進步用個手提電話撳個掣乜都有,簡簡單單,方便咗都幾好呀!」今次黃子華跟廣告導演Oggy、創意總監Fenris、攝影師CK Chan合作愉快。

黃子華休息兩年終於復工。