黃子華噚晚喺紅館舉行棟篤笑《唔黐線‧唔正常》，連日都有講到雨傘革命，更大談早前親到佔領地旺角切身體會，感觸良多，指港人勇敢，和平，善良。接下來我們的考驗，是智慧。

噚晚一場，黃子華繼續講佔中，繼續講香港人的高尚情操，但適逢噚晚亦係一個特別日子——林鄭月娥代表政府宣佈拒絕與學聯對話、更指留守佔領地之市民學生明顯減少，「雙學」即呼籲市民再度逼爆金鐘。

身在紅館未能與港人一齊逼爆金鐘嘅子華，說到香港人的美麗一面時，一度哽咽，說不下去。當時子華謂:「可能到最後我哋乜嘢都得唔到，但係…..我哋已經…… 已經向全世界….證明咗…..我哋香港人…..係光！明！磊！落！」中間停頓了三次，說不下去，又停下來，掩面低頭，全場鼓掌逾半分鐘，不少觀眾也為之動容。有人說:「到那一刻，我也忍不住留下眼淚….」、「我都有喊，見到子華講番政治，嗰種感覺就好似你以為一個朋友因為生活而改變咗，但到咗大是大非嘅關頭，原來佢先係撐得你最『行』嗰個。」唔少觀眾都議論紛紛，說子華哭了。

不過子華接受本報電話訪問時，就表示自己沒有哭，亦沒有哽咽：「不過咁多晚，噚晚好有深深感觸，嗰種感觸係由於香港人咁多年來終於能光明磊落一次。」至於其感觸是否與林鄭有關？子華謂：「唔關事，我係對整件事嘅發生有咁深感觸。以後都唔會再咁激動，依家唔係時候。」

網民拍下子華噚晚哽咽一刻。