黃子華和潘燦良主演的舞台劇《最後禮物》昨晚演出最後一場，對於能夠在疫情下順利完成50場演出，子華笑言每場演出後都驚會死，因為耗盡精力；但他坦言有意將舞台劇搬上大銀幕，讓更多觀眾欣賞到精采的製作及演出。

黃子華在昨晚開場拜神時，自爆前一晚發夢這場是opening，他笑言：「嘩，醒咗幾驚呀…」繼而搞笑扮暈倒地上。不過到完場謝幕時，子華和眾演員均表現得依依不捨，潘燦良更表示：「我呢世，可能得呢次機會同子華合作。所以好珍惜，子華我會懷念你。」子華感謝每一位台前幕後的黟伴，又點名拍檔潘燦良：「阿燦就唔使講啦，佢係我honey，我直頭係佢fans！」子華又指今次演出是可一不可再：「其實每場我都驚係最後一場，我驚我會死，因為每演完一場都死咁滯。」

子華對拍擋話：「潘燦良係我honey，我直頭係佢fans。」

演出完畢之後，子華和阿燦在後台跟大家開香檳慶祝，有人提議將《最後禮物》變成電影搬上大銀幕，子華點頭認同：「真係可以喎，我哋有錄影，可以直接喺戲院播成個舞台劇，等更多人睇到個製作。呢個真係一個好提議，叫總監度下啦！」阿燦亦希望由他們帶起這股風氣。事後子華在社交媒體感性寫道：「歐陽晴，五小時後各奔前程！保重，以抗生之虛妄，保輕莫懼現實鉛沉！互勉！」盡顯不捨之情！

子華和潘燦良等演員謝幕時依依不捨。