早前播出大結局的《棟篤神探》，收視成績理想，暫時成為本年度最高收視劇集，但卻因悲劇收場而引起極大回響，無綫近日更不斷收到觀眾的要求，希望《棟》劇能夠大團圓結局。
《棟》劇監製徐正康昨日就此事回應說：「到目前為止，無綫已經收到83宗意見，因為佢哋唔滿意個結局。（會唔會補拍另一個結局？）冇可能，因為蔡少芬唔効香港，又驚唔連戲，所以我哋會將從未出過街嘅鏡頭，用科技去處理另一個結局，喺聽晚嘅《娛樂大搜查》播出，黃子華會即場解畫。（大團圓？）可以令觀眾接受，其實黃子華唔死就係Happy Ending啦！其實我都好內疚，因為我知好多媽咪同婆婆都睇到喊。」
至於《棟》劇會否開拍續集，他說：「會考慮，但唔會喺太急嘅情況下拍，就算最快都要半年後先有機會。」

黃子華與蔡少芬在《棟篤神探》結婚，相信是不少觀眾的願望。