復活節長假後香港股市突然進入「大時代」，股市急升，散戶不斷問冧巴，電視廣播（511）（又稱無綫）借勢重推經典劇集《大時代》，雖然股民一諗起丁蟹，即刻罵聲四起，但香港電訊（6823）旗下的CSL同「男神」黃子華亦都唔執輸，上個禮拜電視播出新廣告，即刻用「大時代」做標語，擺明車馬「抽水」。

呢期電訊商廣告，除咗講推出新手機同快之外都，真係無乜新意念，黃子華廣告入面都講，「原來唔夠快，世界係會唔同晒」，但尾段就特登用到「大網絡　大時代」六個字做標語，到底同個「快」字又有咩關係呢？