古巨基事隔7年宣佈再開紅館騷，定於今年5月會歌迷，更請來黃子華拍片為他公佈消息，子華更透露古巨基有新歌關於他。究竟點解搵黃子華幫手宣傳？古巨基賣口乖稱：「佢靚仔吖嘛，咁緊要嘅事一定要搵靚仔講，同埋佢當旺，電影票房又爆又好。」

聽到子華的爆料，網民都好奇二人的合作大計，古巨基先賣關子，話下月才可公佈消息，封口不談合作詳情。至於7年沒開騷有何感受？古巨基謂：「好痕吖，7年之癢，好期待。」5月紅館騷改名為「香港站特別版古巨基我們世界巡迴演唱會」，他表示整個騷只唱廣東歌，特別為香港訂製。

古巨基與黃子華有合作大計。