雖然《棟篤特工》上映日為年三十晚，但情人節已有優先場上映，反應亦非常好。之前電影有簡介，大致講子華飾演嘅特工不斷被佘詩曼飾演的Madam蹂躪，世上邊有無緣無故嘅恨，原來子華曾經悔婚，師傅明白了。

嬲爆阿佘話︰「佢亂過馬路263次、違例泊車516次、公眾地方行為不檢672次，同埋無數次亂拋垃圾嘅重犯！」阿佘視子華為超級重犯，要用成世嚟對付佢，咁憎一個男人無非因為情，原來子華曾經對阿佘悔婚，而故事，就由一場Grand中帶癲的醉爆婚禮掀起序幕。

電影一開始，白衫白褲、黐鬚蠟頭扮貓王嘅子華就同「處女」阿佘舉行戶外大型婚禮，兩人宴請「Chan助手」C君及大班親友到場，又跳舞又騎木馬，玩到相當盡興。

但原來全部都係假象，搞婚禮只係方便執行任務，所以阿佘對子華又愛又恨，諗盡方法將佢蹂躪、毒打及折磨，以洩心頭之憤。

為查案，黃子華要扮同阿佘行禮結婚。

兩人喺婚禮上玩到好High。