蘇永康將於6月21及22日在紅館舉行《All That Jazz（&Pop）演唱會2019》，昨日舉行記招，獲老友黃子華現身撑場。早前子華不收分文，為蘇永康自編自導自演個唱宣傳片，子華笑言自己純粹「衰多口」自薦幫手宣傳，揚言想睇騷的朋友千萬不要找他撲飛。

蘇永康昨日舉行個唱記招，獲圈中多位好友拍片支持，包括兒子Jazz的契爺陳奕迅、容祖兒、楊千嬅、張衞健、鄭秀文、草蜢等，張衞健更一口氣介紹蘇永康十多首金曲落力宣傳，令蘇永康十分感動。問到一眾好友屆時會否做嘉賓？他說：「今次我同廣東民族樂團合作，配樂都預先排練好，如果Eason想上台唱《龍舌蘭》未必得，佢都係喺後台幫我湊仔算！」

蘇永康昨日所見消瘦不少，原來他為個唱積極減肥，目前已勁減17磅。Jazz另一契爺黃子華昨日現身支持，提到自薦幫手拍攝個唱宣傳片，子華笑說：「一日都係我衰多口，隨口噏就瀨嘢！上次見到佢（蘇永康）係肥到唔正常，我唔知佢減咗咁多磅，否則會叫佢喺片中赤身露體出現。」子華又特意澄清說：「我係蘇永康個仔嘅契爺，唔係蘇永康契爺，買飛嘅人唔好搵我！」蘇永康為答謝子華相助，即場送上「最佳編劇」、「最佳男主角」、「最佳導演」三個小金人給對方。

開騷最高成本
事後二人一同受訪，子華表示不會上台做嘉賓，蘇永康聞言笑稱不會勉強好友，又說：「好多朋友想嚟支持，不過想上台嘅話有啲困難，個台坐晒中樂團86人，Big4上嚟都無位企！」蘇永康又謂今次是他歷年來成本最高的演唱會，希望藉今次機會，唱多些滄海遺珠的歌曲。