近年唔少搞笑藝人搞Talk show，有唔少網友都係討論區，嚴選究竟由王祖藍、阮兆祥同李思捷組成嘅「福祿壽」搞笑啲定大師級搞笑藝人詹瑞文搞笑啲，仲將佢哋代入三國時代，將劉備、張飛同關羽代入「福綠壽」，然後就將呂布代入成詹瑞文，仲開post話係三英戰呂布添，睇嚟大戰真係一觸即發呀！

首先梗係同大家講少少背景資料先，前者就同汪明荃喺無綫主持節目《荃加福祿壽》中，扮女人之餘更成日扮演其他藝人，仲係2010年獲得「最佳節目主持」添，其後又舉行演唱會，更成功為三位確立成搞笑藝人，每次喺無綫要扮嘢搞笑，佢哋三個都走唔甩。而後者就係戲劇大師，其作品《男人之虎》中演出過128場，吸引過唔少觀眾，其後又繼續舉行棟篤笑，場場都笑料百出兼笑唔停，好多藝人都係佢學生嚟㗎。面對兩大笑匠，唔少網友都話好難揀，網友留言：「好難揀得落手，兩個都咁好笑，次次聽到佢地（哋）D（啲） GAG都笑到我撿返 D（啲）腸落個肚到。」

不過就有網友提出，覺得心目中嘅笑匠其實係黃子華，仲留言話：「4個都不及一個黃子華！」咁又啱喎，每次黃子華開騷一飛難求，仲早前返無綫拍劇本《My盛Lady》拎埋視帝添！

網友有話兒：
番X強XX：三英戰呂布
失意的XX：4個都不及一個黃子華
白X情X：詹瑞文！
西野XX：識揀梗係揀詹sir。
小X鴨：我覺得祖藍佢地（哋）都唔錯呀。

最近網上就搞咗個棟篤笑之神嘅比拼，原本就係將福祿壽同詹Sir Battle，點知講吓講吓，又出動到在網民心中有無上地位嘅子華哥。

但講到呢啲Talk Show，網民心中的第一位，一定係佢－黃子華。