黃子華昨日為新劇《奸人堅》拍攝一場入火場勇救葉童的戲份，雖然有替身為他演出高難度動作，但他依然親身上陣入火場，面對熊熊烈火，子華十分擔心：「要喺火場拍打戲，正所謂拳腳冇情、水火冇眼，今次拍呢個劇真係收夠籌，可以做嘅都做晒，有代表作啦！（有冇買重保險？）有買保險，重唔重唔知，都唔想用得著！」

忙於拍戲的子華，坦言沒有留意前緋聞女友郭羨妮被指介入陶大宇離婚的新聞：「好在唔得閒，可以專心做嘢，又唔關自己事，無謂講太多！（郭羨妮被指係第三者？）係……都慘嘅！（你有冇畀佢電親？）我同佢都係演騎呢角色，冇乜感情戲，唔使電嚟電去。」至於葉童完成昨日的戲份就大功告成，可如期於復活節後到上海拍內地劇，雖然她早前拍到發燒，但現時已無大礙。

葉童與黃子華拍罷昨日的戲份後，便任務完成。

黃子華在熊熊烈火旁邊救葉童，難怪他心驚驚！