黃子華、徐子珊為劇集《My盛Lady》宣傳，談到明天劇集首播，子華表示心情興奮：「所以我著住魚生師傅衫嚟，希望套劇新鮮熱辣送畀大家，如果收視好，我會著住呢件衫一個月。（唔係跪回家咩？）著住呢件衫跪喺子珊揸嘅Van仔度，等佢送我返屋企，貪佢夠危險。」子珊在旁即表示「激死」：「佢要冒生命危險嚟坐。」

日前子珊表示如果劇集有40點收視就叫子華「跪回家」，問子華對拿40點收視可有信心？他即反問平時通常是幾多點，當得悉只有廿多三十點時，他就笑說：「我係冇乜信心，不過絕對有信心維持依家嘅點數。（無綫靠你打仗，觀眾亦對你好有信心！）靠擺我上枱就真，我冇乜依靠，呢次證明如果唔得，以後就可以慳番！都係靠子珊穩陣啲。」不過他表示首集一定不會令大家失望，而子珊亦對收視表示樂觀：「到現時為止宣傳片嘅反應都幾好，希望子華可以跪返去啦！」

黃子華成為無綫創高收視的招牌。