男神黃子華不單口才好、轉數快，更十分有善心，他前晚在Facebook張貼一條名為「黃子華行樓梯」的短片，為慈善團體「惜食堂」招募義工與捐款，幫助弱勢社群，子華更行9層樓梯，探望居於唐樓天台的「月嬋婆婆」，講到最後更數度停頓，疑似嗚咽，他表示：「中國有4句名言，永遠都啱用。叫『有錢出錢，有力出力，多多益善，少少無拘』係少少啫，但係……可能小小一個飯盒，我覺得係幫到月嬋行呢9層樓梯，覺得有人關心，出去，行番返嚟。」

短片在單單一日已有過萬個like、8,000次轉發，YouTube點擊率更超過17萬，經男神「輕輕一推」，更令惜食堂的網頁因流量過多「死機」。好人好事，自然多人讚好，有網民大讚子華是「真正良心藝人」、「相由心生，覺得佢靚仔咗好多，同埋後生咗好多！」更有fans建議子華在惜食堂搞fans meeting，和fans齊齊做義工。

子華探望居於天台的「月嬋婆婆」。

子華到惜食堂位於深水埗的食堂及廚房幫手。