黃子華在紅館開騷，演出棟篤笑《唔黐線 唔正常》，觀眾全場爆笑，掌聲、踏地聲雷動，子華更在台上孭起木結他自彈自唱，但舞台經驗豐富的他，演出過程也不慎「黐線」，老貓燒鬚。

話說他唱完一段歌後問台下觀眾：「鄭敬基，鄭敬基坐喺邊？做乜唔拉住我？」觀眾聞言左望右望尋人，怎知子華又說：「Ronald，做乜唔拉住我？係，係鄭中基，鄭中基坐喺邊？」原來子華一時不慎，口快快將鄭中基說成鄭敬基。

他又提到有份睇騷的陳奕迅：「我老友阿強去唱K，同成班女仔去呢，就唱陳奕迅，冧女嘛！冇就唱黃子華，好畀面呀！但問題嚟喇，阿強今次做唔到決定，因為得一個女仔，個樣仲要係陳奕迅咁，佢即刻唔知揀咩歌！」觀眾席上的陳奕迅與父親陳裘大，聞言即哈哈大笑。

此外，古巨基與老婆Lorraine、梁漢文、蘇永康、雷頌德等均有捧場。

子華開騷擺烏龍，誤叫鄭中基做鄭敬基！

子華落力演出。

七情上面！

子華在台上自彈自唱，但演出過程不慎「黐線」。

子華