張達明、黃子華同吳鎮宇喺埋一齊，自然就諗起《鬚根Show》，黃子華噚晚喺銅鑼灣快閃出席好友吳鎮宇主演嘅電影《家和萬事驚》首映活動，呢套戲係改編自達明獲獎冠軍舞台劇《亞Dum一家看海的日子》，講述鎮宇一家五口為保衛「海景房」而做出一系列啼笑皆非嘅事，荒誕喜劇下反映出現貼地寫實嘅房屋問題。

子華神忽然現身支持，雖然佢有要事在身，冇入場睇戲，但鎮宇同達明受訪嗰陣，子華都行一行過去，同佢哋打招呼以示支持，三人開心咁傾咗幾句，子華即急步離開，據報道指當時子華向達明同吳鎮宇做咗打電話嘅手勢，示意之後再聯絡，達明同子華講笑指如果《家》票房有1千萬就要開《鬚根Show3》。

達明、子華同鎮宇呢個《鬚根Show》組合，於1998年喺香港文化中心演出，大受歡迎，演咗25場，之後喺演藝學院再開《鬚根Show2》，同樣大收旺場，一共開59場，演完《鬚根Show2》，佢哋講過唔會再用呢個組合演出，加上子華去年宣佈「封咪」，喺紅館騷舉行最後一個棟篤笑《金盆啷口》，同埋鎮宇早前講過佢哋三個出嚟搵食，梗係要講口齒，講咗嗰次係最後一次《鬚根Show》。睇嚟真係要等佢哋轉開舞台劇先得喇！？

子華噚晚現身支持好友鎮宇同達明。

佢哋喺演藝學院再開《鬚根Show2》，一共開59場。