黃子華回歸無綫孭飛的新劇終於播出，繼續發放笑彈，一場被重量級的陳嘉佳壓在身上的戲份，壓得他唸不出對白，笑爆劇組，結果NG 7次才完成！

黃子華於新劇《My盛Lady》中飾演戀愛專家，協助剩女尋找另一半，過程不乏趣事，一場陳嘉佳（小寶）於街頭買醉的戲份，為增加喜劇效果，特別安排醉倒的小寶整個人仆落子華身上，惟兩者身形相距甚大，拍攝前亦未有度位，眼見瘦蜢蜢的子華被壓到面容扭曲、透不過氣，劇組人員都笑個不停，子華可謂有苦自己知！

監製文偉鴻接受訪問時笑談拍攝該場戲的點滴：「原本子華被壓之後有幾句對白，點知Take嗰時一直收唔到子華把聲，去問子華啦！佢話已經講咗，只係運唔到道氣，所以出唔到聲，後來都NG幾次，拍近鏡時小寶就扶一扶佢囉！（拍前冇度位？）咁子華都好Gentleman，冇咩點講，一拍就拍咗7次。」

子珊「裝假狗」
另一場講述徐子珊被幻想如何勾引老闆魯振順，分別化身可愛老虎仔及完美身形女士的她，拍攝時特別在胸部加了兩個水袋，再大擺S甫士，營造女神模樣。

子華被小寶「大石壓死蟹」，辛苦到面容扭曲，講唔到對白。