黃子華和徐子珊出席劇集《My盛Lady》晚宴，對於二人有很大機會憑此劇入圍角逐視帝視后，子華即說：「唔係掛！咁大個人搞啲咁嘅嘢！有提名已經當贏，如果做一集就有提名，有冇更強先！（今屆睇好邊個攞視帝？）睇下我有冇提名先啦！（TVB有冇叫你簽約換獎？）冇喎，聽都未聽過，TVB知我個性，唔捱得，我係好需要瞓覺嘅人，所以從來冇呢啲！（睇好子珊攞視后？）都係嗰句啦，有提名當贏。」

而子珊對憑此劇拿視后的信心不大，她說：「唔得，出一集就有，邊有咁快，因為呢套係我第一套喜劇，觀眾接受鍾意我就開心，我好意滿足！」去年憑《雷霆掃毒》成為賽前大熱，但埋門倒灶，問是否有心理陰影，今年不敢有太大期望？她說：「我唔想畀周邊人同自己太大壓力，頒獎典禮一向話題性大，但自己都希望可以攞到個平衡，以平靜嘅心去集中工作。（睇好子華攞視帝？）我當然希望啦，佢話如果冇好成績就唔再演喜劇。（好成績指收視定視帝？）佢冇講，可能兩樣都想要，希望大家喺收視又好，攞獎又好都多啲，支持佢！

徐子珊好開心與黃子華合作。

《My盛Lady》晚宴，台前幕後有信心創高收視。