收不吉利傻豹黃子華：完全唔記得要講咩

2018年7月31日 | on.cc 東網

黃子華的棟篤笑Talk騷來到最後一場，現場氣氛熱熾，當子華以禁果來比喻喜歡攞着數時，他問觀眾：「有啲咩果比禁果更吸引？」台下有觀眾大叫：「榴槤！」子華無奈表示舉行到第二場時台下有觀眾同樣大叫「榴槤」，令他從此未有一場平靜過：「你哋到底係馬來西亞定泰國嘅間諜？」此時有觀眾大叫「回水」，子華則笑笑口回答：「你哋絕對影響咗我囉！我已經完全唔記得自己要講啲咩！」

未幾有粉絲在台下送上穿上黑色Tee的傻豹公仔，子華笑指公仔感覺不祥，介乎生死之間。而棟篤笑進行期間，子華的西裝外套突然甩鈕，他表示西裝是全新的，有粉絲大叫「除衫」，而子華除去煲呔掛在頸上。