噚日53歲嘅黃子華，前日喺Facebook「蒲」咗出嚟，同Fans say個hi。其實佢對上一次現身，已經係7月中拍完《My盛Lady》之後。前日新相一出，一眾網民又係話佢瘦咗好多。幾乎每次黃子華隔一排再露面，大家都會有同一反應：「點解瘦咗咁多嘅？係咪身體唔舒服呀？」

呢幾年子華真係未肥過，難免令人擔心，但應該未去到見一次瘦一次咁嚴重，如果係的話，依家嘅子華唔止係鋼條，而係火柴喇。

13小時前，子華又貼咗兩張慶祝生日嘅相，一張係chok樣拎住個壽包，一張係「匿」埋落個蛋糕側邊、展現難得一見的笑容，仲有美酒。兩張相都見唔到身形，未知是否唔想Fans太擔心喇。睇番子華呢個鬼馬樣，忽然覺得，莫作棟返嚟喇！

Fans紛紛留言讚佢靚仔（不嬲都靚仔！），並留言謂：「噢！My子華，祝你生日快樂，身體要健康，唔好再瘦啦！肥番D靚仔D！」、「肥番少少可以keep多廿年啊子華哥……生日快樂，開開心心，身體健康」、「生日快樂，單睇兩杯紅白酒嘅顏色就知，子華生日飲正嘢了～」

Happy Birthday呀黃子華！

究竟係瘦定係鋼條？