今晚係黃子華同陳法拉主演嘅舞台劇《前度》首晚演出，有子華神喎，當然貫徹冷嘲熱諷嘅風格兼金句啦，依家就同大家數金句啦！不過記住，今次係舞台劇，唔係棟篤笑，所以金句數量未必好多。如果你唔想被劇透，你仲走得切……

3，2，1…嚟料

講男女關係：
1.「上帝創造處女，男人創造婦女。」
2.「最正嘅感情係兩個人光明正大，毫無保留；亦係最危險，因為你就係得兩個人，要瞓晒身落去先得。」
3.「千絲萬縷，唔係執一劑就搞掂。」

日常生活：
法拉話搭巴士可以睇人生百態，子華反駁：「如果你同我一樣出身寒微，就知搭巴士無乜嘢學。」
其中一段幕講種花，暗諷理工大學冧天台：「種乜X嘢！香港政府應該禁止啲人種嘢！」
講階級觀念：「（司機）阿輝唔係一個人，係一個司機。」