林嘉欣為日本著名藝術家渡部真由美（Watanabe Mayuami）在港搞展覽，老闆林建岳、黃子華、黃耀明、雷頌德、林海峰、張艾嘉和「專家Dickson」等到場支持；Dickson與嘉欣和其老公袁劍偉合照後，嘉欣笑指兩男是「情敵」。

嘉欣今次再做策展人，黃子華笑說：「坦白講，佢上次做策展介紹嗰位唔係普通藝術家，要好識藝術先得，今次呢位啱我呢啲道行唔係咁高嘅人。」身旁的嘉欣更叫他要多多幫襯，子華賣口乖：「你好有眼光，睇咗幾幅畫，好有趣……呀，展覽到幾時？吓，剩番3個月？好快賣晒，大家快啲嚟啦！」嘉欣得戚地笑說：「今日已經賣咗好多！」

嘉欣根據馬戲團為主題，將展覽場入口用馬戲團的帳幕布簾布置，場內的畫作都吊在半空，林建岳亦大讚嘉欣設計有心思，更叫她加油，令嘉欣開心到跳跳紮。