林嘉欣為日本著名藝術家渡部真由美（Watanabe Mayumi）在港搞展覽，老闆林建岳、黃子華、黃耀明、雷頌德、林海峰、葛民輝、林德信等到場支持，還有嘉欣亦師亦友的張艾嘉、經理人林珊珊、小師妹蘇麗珊和西瓜等。早前邀請嘉欣拍廣告演情侶的「毒男」Dickson亦有到場，他與嘉欣和其老公袁劍偉合照後，嘉欣笑指兩男是「情敵」。

這是渡部真由美首次海外展覽，嘉欣根據馬戲團為主題，將展覽場入口用馬戲團的帳幕布簾布置，場內的畫作都吊在半空，另有玻璃櫃展出雕塑，另一邊就以音樂和影像表達，嘉欣親自招呼和介紹。林老闆大讚嘉欣設計有心思和叫她加油，令嘉欣開心到跳跳紥；蘇麗珊就看得好入神，說：「渡部嘅畫好有趣，啲人四四方方，好吸引，好多思考空間。」

前年嘉欣首次擔任策展人，替日本書法大師井上有一的「花」展覽，非常成功。今次再做策展人，男神黃子華笑說：「坦白講，佢上次做策展介紹嗰位唔係普通藝術家，要好識藝術先得，今次呢位啱我呢啲道行唔係咁高嘅人。」身旁的嘉欣叫他多多幫襯，他就賣口乖：「你好有眼光，睇咗幾幅畫，好有趣……呀，展覽到幾時？吓，剩返3個月？好快賣晒，大家快啲嚟啦！」嘉欣得戚地笑說：「今日已經賣咗好多！」

男神黃子華來捧女神林嘉欣場，仲要讚口不絕。