林嘉欣近日再做策展人，為日本藝術家渡部真由美於尖沙咀舉行展覽，獲黃子華、黃耀明、林海峰與葛民輝等一眾好友現身撐場，其中黃子華更幫口促銷，笑言：「展覽到幾時？吓，剩番3個月？好快賣晒，大家快啲嚟啦！」

林嘉欣繼前年為日本書法大師井上有一舉辦「花」展覽大獲成功後，近日再為日本藝術家渡部真由美於尖沙咀舉行展覽，以馬戲團為主題，用馬戲團的帳幕布簾布置展覽場入口，而場內的畫作就吊在半空中展示，更邀請了一眾圈中好友出席捧場。

對於林嘉欣再次做策展人，黃子華笑言：「坦白講，佢上次做策展介紹嗰位唔係普通藝術家，要好識藝術先得，今次呢位啱我呢啲道行唔係咁高嘅人。」林嘉欣聞言即叫他多多幫襯，子華神就賣口乖指：「你好有眼光，睇咗幾幅畫，好有趣……呀，展覽到幾時？吓，剩番3個月？好快賣晒，大家快啲嚟啦！」而林嘉欣則笑說：「今日（昨日）已經賣咗好多！」

黃子華即場為林嘉欣促銷。