香港棟篤笑始祖黃子華早前宣佈在7月舉行的「金盆浪口」，將會是他最後一場棟篤笑，令不少粉絲開始擔心買不到票。昨早9時「金盆浪口」優先訂票開跑，不少網民表示打電話不通，上網也是死機。
其中一名苦主是公民黨前立法會議員梁家傑，他在Facebook指：「8時45分已經上唔到，9時10分我在黃牛網站就見到880元嘅飛炒到1,348元兜售！咁即係點玩法？」他覺得黃牛飛賣家可能是從內部認購取得門票，但認為這種情況值得正視。不少粉絲亦表示，上網訂票時就不停見到「Internal Server Error」，粉絲看到一殼眼淚，網民不斷投訴買不到票，還要看到不少網有黃牛炒價票賣，最貴的880元門票，黃牛價炒到每一張由1,300元到2,400元不等，尾場貴飛甚至炒至1萬5千元。

將會再加場
子華昨晚自拍影片放上Facebook回應出現黃牛票狀況，他直言：「我哋自己都冇飛，點解黃牛黨會有飛，有人話係內部認購渠道得到呢啲飛，我覺得我係咪要報警或者報ICAC。」他又直斥政府應正視黃牛問題：「根據現有法例，黃牛唔係exactly犯法咁，所以每一個演唱會都出現同一個問題，我喺度向政府正式提出，係咪係時候正視呢樣嘢？」
子華同時呼籲粉絲不要買黃牛，重申4月24日門票將在城市電腦售票網公開發售，並會由原本的十七場加到二十多場：「原本我係預咗兩場要嚟休息，依家我唔休息，會搏命做，滿足觀眾。」子華並透露公開發售時，將會限定每人買四張門票。

阿佘得一張
子華的好拍檔佘詩曼昨晚在銅鑼灣出席時裝活動，問到有冇撲子華騷飛？阿佘笑說：「我好幸運，唔使撲，有一張飛，之後我問子華可唔可以再加飛，佢都話『諗都唔好諗，唔好癡心妄想，係冇嘅。』基本上每日都有人問我想買子華嘅飛，我求佢加一場解決我嘅問題。」

子華昨晚拍片放上網，呼籲粉絲不要買黃牛。

子華最後棟篤笑昨日開始優先訂票，但不少粉絲甚至連網站也上不到。