黃子華26場《金盆浪口》棟篤笑，今晚喺紅館告別演出。場外嘅「回水杯」未開場已經畀fans掃清，就知今晚啲觀眾有幾熱情。

去到尾段有位fans行到表現台邊，送咗件禮物俾子華，原來係一隻粉紅色傻豹公仔，唔知同子華喺電影《棟篤特工》有冇關係呢？子華話：「多謝你，雖然個樣有啲不祥，掛喺門口冇賊入嚟。」唔知係咪講錯嘢，講完呢句之後，子華恤衫忽然爆鈕，佢即刻話：「呢次真係回水喇，我第一次著㗎咋。」

今晚尾場啲觀眾特別high，講馬雲自high打贏李連杰個part嘅「面斥不雅」反應最好，台下亦不時有人叫佢除衫、除褲。子華都好順應民意，將西裝外袋扣鈕遮住講多兩句，然後就解煲呔，再解開頭兩粒鈕，向觀眾講：「咁會唔會好啲呀。」台下見子華咁聽話，自然拍晒手，跟住子華揭開半件外套，露個牌子俾觀眾睇，然後佢話：「呢件嘢真係面斥不雅。」

今晚尾場啲觀眾特別high，講馬雲自high打贏李連杰個part嘅「面斥不雅」反應最好。

子華恤衫忽然爆鈕，佢即刻話：「呢次真係回水喇，我第一次著㗎咋。」

子華揭開半件外套，露個牌子俾觀眾睇，然後佢話：「呢件嘢真係面斥不雅。」