剛於上周六踏入55歲的男神黃子華，前晚在facebook上載「黃子華行樓梯」的短片，留言：「請狠狠分享散播」，這條為「惜食堂」拍攝的呼籲捐款短片，在某個36度酷熱的夏天，子華到深水埗某棟舊樓，行九層樓梯上天台探望獨居的月嬋婆婆，腳部不好的月嬋婆婆，每星期有5天要辛苦地上落9層樓，到惜食堂享用免費膳食。

在短片中子華感慨說：「呢個單位令月嬋最難為，呢度冇廁所，我坐緊嘅方圓一兩呎，佢每日鋪報紙，喺呢度沖涼同大小便。」去年曾為灣仔惜食堂拍片的子華，今次就與月嬋到深水埗拍攝，子華說：「以前柴灣得一個廚房，????家深水埗多個廚房，好似好風光，其實有好多憂慮，廚房收到資金只能維持年幾，最需要市民自發固定捐款。」

網友睇到飆眼淚
做棟篤笑口若懸河的子華自嘲說：「呢啲時候真係所謂讀得書少唔識講嘢，但中國有四句名言，我覺得大家永遠啱用，中國歷來呢四句嘢最精采：有錢出錢，有力出力，多多益善，少少無拘！可能少少飯盒，可以幫月嬋行呢9層，覺得有人關心！」

子華這條短片感動了萬千網友留言勁讚：「相由心生，覺得佢靚仔咗好多！」「睇到最後男神講嘢嗰part，眼淚水突然間飆出來。」亦有網友鬧政府：「政府做嘢啦，幫阿婆申請公屋。」網友紛紛上惜食堂的官網捐錢，搞到網頁冧server。

視子華為師傅的林子善在網上留言：「我喺『師傅』身上最想學嘅唔係演戲，反而係佢做人嘅處事態度，待人接物，同一顆回饋社會嘅心要有真善美，先可以稱之為真正嘅男神。」樂隊Mr.主音布志綸（Alan）：「老人及病童問題一直被社會主流話題忽視，子華哥今次親身示範的呼籲，是我們作為年輕一輩一定要多多學習！佩服！」

男神子華還到廚房拍短片呼籲，藝人和網友都深受感動。

黃子華陪月嬋婆婆行九層樓梯，呼籲大家捐款給惜食堂。

月嬋獨居的天台單位連洗手間都沒有，只能在子華坐的位置鋪報紙解決大小便。