黃子華和佘詩曼主演的賀歲片《棟篤特工》前日上映，兩人前晚孖張建聲及女友陳嘉莉、農夫的C君、趙永洪等到旺角朗豪坊戲院謝票，子華現身即問觀眾是否真的付款購票入場？觀眾即高呼搞笑回應：「回水！」

自嘲好似新仔
子華和阿佘前晚跟家人吃團年飯後現身戲院，神秘入場陪觀眾睇戲，直擊現場反應，子華覺得觀眾氣氛好好，能分辨出喜劇與胡鬧。今次電影兩天收到逾500萬票房，令子華可以一洗「票房毒藥」惡名，他說：「我唔可以唔滿意，我?家拍電影就好似新仔咁，阿佘就有啲經驗，有咁嘅成績已經係幾好，係一個起步，希望大家多多支持。」
之前拍電影成績差強人意，今次終有起色，子華說：「正如我所講最開心係票房，?家啲觀眾好識睇戲，知道呢一套電影唔單只係喜劇，唔係胡鬧，係認真嘅喜劇，我都好開心。」會否覺得拍檔阿佘旺他？他說：「唔使講啦，我哋做盡一切都要留低佢，開續集都要睇佢。」阿佘表示如真的能開續集感到榮幸，希望再和子華合作。

觀眾講笑叫回水，見慣大場面的子華即笑着回應。

子華拉隊和觀眾大合照，現場氣氛熱烈。