DJ蘇施黃（阿蘇）向來同古巨基夫婦、蔡一智夫婦好老友，呢日阿蘇喺網上分享多張同佢哋飯局相，仲話：「Happy Birthday一月之星：蔡一智、小王子Alex、古太，昨天在我家擦餐生日飯」。

原來係為蔡一智同古太慶生，阿蘇仲好有心思預備咗每人一個蛋糕，不過最搞笑係一智個生日蛋糕上寫上「Happy Birthday 黃心穎」，皆因早前啲人成日話佢哋好相似，唔知心穎見到會唔會嬲呢？大合照中見到黃子華同形象服裝設計指導陳華國都係座上客，成班人一定過咗個好開心嘅晚上！

鍾意搞搞震嘅蘇施黃，今次搞生日P。

認得染咗成頭白嘅黃子華嗎？

睇吓大家玩得幾開心！

向來識飲識食嘅蘇施黃，呢餐美食一定唔簡單！