早前無綫於凌晨時份再度翻播由「棟篤笑之王」黃子華主演的《My盛Lady》，令網民紛紛盤點呢個「冷面笑匠」的六套代表作：《狀王宋世傑II》、《男親女愛》、《棟篤神探》、《奸人堅》、《絕代商驕》及《My盛Lady》中，邊一套最為吸引，並最受觀眾歡迎。
當中以相當經典的《男親女愛》及《棟篤神探》最得網民歡心：「一定係男親女愛，同棟篤神探，其他都一般。」之後更有多位粉絲亦留言大讚「神劇」《男親女愛》無論睇幾多次都會笑：「男親女愛，年年都睇三次以上，都仲會笑！」亦有人力撐另一套子華的代表作《棟篤神探》：「棟篤神探啦！佢同蔡少芬鬧交真係好正！」仲有網友仲有人即席獻唱劇中主題曲：「係我衰又唔夠衰，兇手究竟是誰。」大佬！真係隔住個mon都有聲呀！
另外，亦有子華的死忠粉絲列出佢曾經講過嘅經典金句：「若要人不知，唔好咁低B、有恩不報未算差，有仇不報正人渣等等。（不能盡錄）」畀一眾網民講兩講，真係勾起咗唔少經典劇中片段，認真令人回味無窮！
網民有話兒：
觀XX：若要人不知，唔好咁低B、有恩不報未算差，有仇不報正人渣…
實XX門：係我衰又唔夠衰，兇手究竟是誰～
松田X平：男親女愛，年年都睇三次以上，都仲會笑！
大XXX人：一定係男親女愛，同棟篤神探，其他都一般。
AG_XXXX：男親女愛無得輸！
黃子華拍過多部劇集，而《男親女愛》、《棟篤神探》最受大家喜愛。
黃子華同Do姐喺《男親女愛》嘅鬥嘴畫面，大家懷唔懷念呢？
仲有小強呀！
呢幕認真經典。
同蔡少芬合作嘅《棟篤神探》都大受歡迎。
子華喺劇裏面有唔少金句，當中「若要人不知，唔好咁低B」仲係當時嘅潮語添。
錫錫場面不能少。
《My盛Lady》
《絕代商驕》
《奸人堅》