蘇永康相隔八年再在紅館開騷，於6月21至22日舉行個唱，好友黃子華更自編自導自演幫手拍宣傳短片，子華笑言：「乜原因咁幫忙，因為佢買咗間樓畀我，講明我一直可以住，住到第日囝囝大再畀番佢。」

蘇永康表示：「條片入面子華飾演契爺，喺我演唱會期間一力承擔湊仔服務。講開又講，呢個契爺真係唔話得，唔好話我個仔，連我自己都未見過咁大個富格林金幣，佢就送畀阿仔上契，金幣之外，仲有成日送好多玩具。阿仔見到我班朋友都喊，但契爺例外。」蘇永康歡迎子華在他開騷期間提供湊仔服務，他說：「絕對放心，我驚囝囝玩謝契爺。」

黃子華為蘇永康（左）演唱會宣傳出力，自編自導自演幫手拍片。