蘇永康（阿公）將於6月21及22日於紅館舉行演唱會，相隔7、8年再開騷，好友黃子華更自編自導自演為蘇永康拍攝演唱會宣傳短片。片中子華飾演契爺，於演唱會期間幫蘇永康湊仔。

黃子華搞笑指今次出心出力幫手，「因阿公買了間樓畀我，講明我可以一直住到他個仔長大，再畀番佢」。之後又說他們10多年前在橫店拍戲，兩人共度中秋節齊賞月，笑言有一刻覺得他們應該一齊。蘇永康說：「年初一帶個仔向子華拜年時，傾到要為演唱會拍宣傳片，子華立即用兩分鐘便度了這條橋，還拍心口幫我搞，我個仔這個契爺真係唔話得。阿仔就快兩歲，開始識認人，他唔係咁鍾意男人，見到我班朋友都喊，但係契爺例外，好鍾意同契爺玩。（真的放心交個仔給子華湊？）放心，我驚個仔玩謝契爺多啲。」問子華會否做嘉賓？他說：「發過誓不做任何人的演唱會嘉賓，?家鍾意拍嘢！（如果契仔Jazz將來開演唱會？）等佢大個真係唱歌先講啦！」

黃子華（右）自編自導自演為蘇永康拍攝演唱會宣傳短片，認真唔話得。

黃子華在宣傳片中變身奶爸為蘇永康湊仔。