黃子華和同佘詩曼今日到商台宣傳新戲《棟篤特工》，接受鄭裕玲（Do姐）嘅節目《口水多過浪花》訪問，喺未到場而前子華喺社交網站拍片話大塞車所以遲到，仲向網民表示肯定畀Do姐鬧，結果子華同Do姐兩人喺節目中不斷互窒。子華受訪時表示因為喺途中遇上交通意外所以遲到，至於同Do姐互窒，佢話：「呢啲係大家嘅化學作用，好朋友先會咁樣。」佘詩曼亦力撐子華：「從來未見過佢遲到，今次係意外。」

講番套戲，子華話單係劇本已經籌備兩年，不單冇另收編劇費，仲成日俾錢請大家食飯。講到今次請到大量巨星，包括許冠文、鄭秀文、楊千嬅、譚詠麟等客串，子華話：「好多謝佢哋捱義氣，呢套係賀歲片，唔係喂威喂電影，每個客串演出都符合劇情。尤其是許冠文肯客串簡直不可思議，因為佢唔似周潤發可以野生捕獲，請到佢嚟好榮幸。」

至於另一位客串嘅千嬅，子華話因為覺得對方好好玩，仲一早到達拍攝現場非常抵得諗，至於鄭秀文，子華話：「她要做一個瀨咗嘢嘅巨星，換轉我都未必會演，諗唔到佢竟然肯。」

黃子華

子華同阿佘今日到商台接受Do姐訪問。（口水多過浪花FB圖片）