日前黃子華就facebook宣佈，話今日會有嘢睇，到底係咩呢？啱啱子華就公佈咗喇，就係一條十一分鐘半長嘅片，條片並唔係咩棟篤笑嘅片，而係子華幫惜食堂所拍攝嘅短片。

條片一開始子華去到深水埗，上九層樓梯，去搵一個婆婆，原來呢個婆婆住喺天台，每日都要行落九層樓梯出街，再行上九層樓梯返屋企，子華就上到去同婆婆傾咗一陣偈，之後就陪婆婆落九層樓梯，期間子華不斷叫婆婆小心，非常細心。

之後子華就同婆婆去到惜食堂，其實子華唔係第一次幫「惜食堂」拍嘢，佢仲講到經過咗兩年，惜食堂喺深水埗開咗一個食堂，仲由兩年前一日做兩千個飯盒，到今時今日可以一日做六千個飯盒，子華仲入咗惜食堂嘅廚房，同一班義工傾偈，當然有幫手派飯畀一班公公婆婆食啦。

子華同婆婆傾偈。

仲有幫手派飯。

陪婆婆行九層樓梯。