影帝劉青雲主演嘅電影《廉政風雲 煙幕》氣勢如虹，近日青雲除咗忙於宣傳之外，亦多咗參與朋友聚會。呢日佢就同另一位影帝吳鎮宇、兩位棟篤笑始祖黃子華同張達明相聚，鎮宇將四人合照上載至社交網，相中見到一頭白髮嘅子華同達明笑得燦爛，而青雲就笑得含蓄，但最搶眼都係鎮宇，佢竟然Chok到爆望鏡頭，仲留言大講道理：「美醜，善惡，高矮，長短！一千萬一定大於一萬！美的應感謝有醜，能行善的感恩知惡，沒有矮短也量不出高長！一千萬大於一萬是我們用來買東西，一萬能大於一千萬是因我們送暖。」

網民就留言話呢個組合不得了，話晒子華同達明都係好戲之人，所以網民問：「如果這是一張電影海報的話，預測票房會是多少？」又話如果佢哋四個合作拍戲嘅話，一定會支持！

劉青雲（左起）、吳鎮宇、張達明同黃子華聚埋一齊，唔知有冇傾吓合作大計呢？

網友話如果佢哋合作拍戲，一定支持！