黃子華昨日舉行首場紅館棟篤笑，獲不少圈中好友到場支持。子華一出場便獲得全場的熱烈掌聲，子華笑問：「咩事咁Happy，依家咁嘅環境仲有心情嚟睇人講笑，你哋咩人嚟？」引得全場大笑。

現場有觀眾大叫回水，子華立即表示：「如果冇心情睇嘅，可以離開，出口喺嗰邊。我哋依家唔興回水，想回水，不如倒抽一口涼氣，未試過有成萬人一齊倒抽一口涼氣。我細個睇武俠小說，係中毒時先會有倒抽一口涼氣，通常係畀蜘蛛咬。」子華又多次表示香港有病：「上年有個老師講咗一句粗口，畀全城鬧爆。我以前都有個中文老師姓屈，叫突忽，我哋每一日都會同老師講Good Morning屈突忽，不過講兩日就有得笑啫，講第三日就會悶。」他又將近日的「佔中」事件作為題材，表示：「家陣『佔中』同反『佔中』分兩派，反『佔中』就好似男人同女人講：『你想整容可能會變毀容。』信呢句嘅人，可能就係周融。而『佔中』嗰班，就話：『你想整容可能變毀容，但對你嚟講冇分別。』」引起不少觀眾共鳴，贏得全場的掌聲。

解構好工四大條件
會上有觀眾大叫「除褲」，子華聽到後立即反擊：「咩時勢你仲諗埋呢啲嘢？我喺網上睇過，何謂一份好工，需要四大條件，都係同錢冇關。一份好工，令你唔怕星期一。第二條件，一份成日打風嘅工，呢啲人見工呢會問：『貴公司係幾時打風？』第三條件，放工就放工，老闆唔會再兇。至於第四就好經典呀，係一份唔使見工就可以返嘅工，即係老闆星期一返工問：『你係？』『我返緊工！』『你返緊工好呀，但請問你……』『問嘢？又話唔使見工？』『我想請問你貴姓呀？』『係咪有人工加？唔係吖嘛，你話之我姓是叫旦，搵食啫！』」
子華之後又繼續講：「呢啲咁嘅????仔，無非兩隻字，怕辛苦，唔使見就有得返工，即係唔使拍拖有得洞房啦，喂洞房都好辛苦喎，最好唔使洞房就有仔生啦，啲仔唔使養就大埋，怕辛苦不如唔使大就瓜埋啦！呢啲咪資本主義嘅問題囉！點樣戰勝資本主義？兩隻字，『吞pop』！不過都唔啱你哋㗎啦，因為要識得點『吞pop』都好辛苦㗎！」

香港進入「催神年代」
子華又講到近日葉劉淑儀指「佔中」者手持雨遮係武器，佢話：「唔知葉劉有冇仔女呢？如果佢個女夜晚出去蒲，『你去幾耐？』『三日到啦！』『唔得，好危險！』『怕咩啫，我有遮！』你仲驚，『唔使驚，我仲攞咗好多保鮮紙?呀!』」他又指香港進入「催神年代」—催淚彈之神，「佢只係帶住兩把遮，啲催淚彈就掟喺佢身邊，so what？佢（《TIMES》封面的示威港人，下圖）超越人類極限，身體唔怕毒氣，我唔知係咪佢嗰兩把遮可以解到催淚毒氣。你聽過不食人間煙火，就係佢。」