每逢有新戲或新劇上映，演員總會被狗仔隊嚴密監視一舉一動，最近《My盛Lady》播出，主角黃子華被拍到與前女友約會的照片，有指他翻撻舊愛。不過前晚子華出席飯敘時，直言被傳媒追到氣喘，私生活大受影響，更斷然與前度冇可能復合，呼籲大家唔使作無謂猜測。

黃子華主演的劇集一向有收視保證，日前他主演的新劇《My盛Lady》播出，果然再有好收視成績，平均29點，最高31點，收視僅次於《衝上雲霄2》。前晚黃子華聯同劇中其他演員徐子珊、「細細粒」陳嘉佳飯敘。子華曾表示40點收視便跪回家，有指他下跪機會都好大，他笑言：「你估真係好似恒生指數咁會逐步飊升咩？」雖然如此，但子華指自己不會以合約換視帝獎項。

另外，談到有報道指他翻撻舊愛，子華坦言：「傳媒太支持我了，對傳媒追訪感疲累，私生活都受影響。現在落街便要跑，跑到氣喘，總之私事我唔回應了，這些唔係事實，我跟前度是朋友式聯絡，無可能復合，雖然世界上好難講到1億%這麼盡，但暫時應該沒可能。」