演員黃子華、佘詩曼在銅鑼灣出席電影《棟篤特工》慶功宴，慶祝電影票房超過4,000萬。黃子華被問到有沒有預期票房有如此佳績？他說：「唔敢諗，1,000萬就脫毒，2,000萬就搣甩，超過以上就唔敢諗，4,000萬票房就可能有機會再拍電影。（洗脫污名？）我又唔覺得《一蚊雞保鑣》係污名、恥辱，但就唔清楚老闆會唔會開拍續集。」子華又指每日在群組聽取票房數字，好像在聽的士台一樣。

黃子華七月將在紅館舉行棟篤笑，他表示一年前已構思，今次開17場，話題會圍繞香港生活，故不設巡迴演出，問到會否加場？他說：「視乎反應，加少少囉！（係咪好多飛債？）經理人安排，我自己都唔敢過問。」講到有傳想結婚生子，黃子華笑說：「多謝大家關心，日久見人心。（有好消息會公布？）一定會。（好消息係結婚定生仔先？）咁呢個就唔係好消息，好消息最緊要我阿媽身體健康。」

佘詩曼和表示《棟篤特工》是她從影以來票房最高的港產片，認為4,000萬票房已經好多，她笑說：「有個20年冇搵嘅朋友訊息畀我，叫我幫手訂60張黃子華棟篤笑飛，我自己都幾乎冇呀，仲話60張。」

黃子華話可能有機會再拍戲。

會唔會同佘詩曼再合作？

《一蚊雞保鑣》

黃子華

黃子華、佘詩曼