黃子華今年4月閉關為9月開拍嘅愛情喜劇搞劇本，其間都抽時間唞唞，前晚佢去咗老友蘇永康屋企食飯聚會，佢作為蘇永康囝囝Jazz嘅契爺，梗係把握時間同契仔玩。蘇永康喺IG貼咗子華抱住Jazz嘅合照，雖然子華「父愛氾濫」抱實Jazz，但Jazz唔多受落想擺脫契爺，子華全程都好開心，但Jazz最終都係要老竇蘇永康抱番。