有傳無綫外購劇《棟篤狀王》演員曾因收不足尾期而怨聲載道，血汗錢追足一年多雖有望收回，卻遭大陸製作公司剋扣酬勞，其中黃子華拍三十五集戲，只收得三十三集錢，此劇監製楊紹鴻日前更向該公司發律師信，追究到底。《棟》劇演員羅家英拍廿五集戲，只收得十四集錢，家英哥說：「佢哋有心想賴皮……但都睇人嘅！」幸該製作公司算有良心，眼見家英哥身患肝癌，等錢醫病，九集酬勞最後在去年底清還，家英哥謂：「要我再同佢哋合作都有保留！（有冇聽聞其他演員被拖數？）我知有演員被嗰間公司扣數！」

自稱非受害者
就此事向楊紹鴻了解，他說：「佢毀我約在先，仲扣我錢，梗係追究，（其他演員都被人扣錢？）班演員上年有同我投訴過收唔到錢，至今收到未就未知，我唔方便講咁多！」黃子華昨日和蘇永康為《棟》劇宣傳，子華透過助手回應自己並非受害者，至於有否被扣錢？他則稱價錢只是雙方商議。對此劇被視為救亡之用，子華笑言：「唔好咁講，無綫十點時段收視向來好好，我以前嗰套《男親女愛》都有好收視，（今次有冇期望？）唔敢奢望，唔低過廿點就得。」子華稍後需返大陸拍新劇，但對待遇則有感而發，他謂：「幫無綫拍劇好易配合，要乜有乜，（錢呢？）呢樣除外，無綫資源、水源都充足，但落唔到我袋！」

黃子華和蘇永康為《棟篤狀王》宣傳，該劇演員有傳被扣數，子華則稱價錢是雙方商議。