視帝黃子華到荃灣出席無綫賀年節目，蜜運中的子華全程都非常風騷，春光滿面，明顯比之前增磅，當與視后田蕊妮拍照時，更整蠱作怪大擺chok甫。

子華謂馬年大計除了忙為棟篤笑度橋外，還打算增肥，他說：「呢個新年可以放肆咁食糕，之前啲人話我瘦，今年咪試下盡程增肥，起碼二三十磅，增到有抗議聲音先停。」講到拍拖甜到漏很容易增磅，他笑說：「日日都sweet啦！」

留了胡鬚的他笑言因此被阿媽鬧，他說：「佢話睇唔慣囉，佢仲當我六歲細路仔。」子華透露新年除了陪媽媽，當然會到女友家拜年，問他可擔心被親友催婚？他笑說：「咪搵啲利是塞住佢把口囉！」

人逢喜事除咗精神爽，連肚皮都脹埋，子華今年名副其實過肥年。

子華全程表現極High。