黃子華最後棟篤笑《金盆浪口》於4月24日公開發售，勢引搶飛熱。子華神為打擊黃牛黨炒賣棟篤笑門票，決定《金盆浪口》加開9場、即合共開26場，並每人限購最多4張黃子華棟篤笑門票。子華神棟篤笑能夠受歡迎，除好笑外，還因具人生的哲理。黃子華的棟篤笑有愛情金句、職場金句，最重要有人生金句。

眾所周知，黃子華在大學時修讀哲學，所以子華神的棟篤笑對人生觀察很細膩。對人生的成敗、生死、成長等的見解，以幽默方式表達出來。

【論失敗】
– 人生三大矛盾：搵食啫！犯法啊？我想㗎？
– 點解你嘅人生咁失敗？因為睡眠並不致富啊！
– 錯就要認，要對方認！
– 世上無難事，只要肯屈服！

【論死亡】
– 最無風險嘅事係等死，你一定等到！
– 做人唔好要求太多，唔好要求咩食得招積，我但求係死得舒適。
– 我覺得非常有資格自殺嘅人就係屈原嗰種，即係你自殺，然後大家有公眾假期！
– 偉大的藝術家死後才會受到世人的尊重，而我比這些偉大的藝術家還要偉大，因為我死後都唔會受到尊重！
– 你咁戇居嘅，你好學唔學，做咩要死呀？你死嘅時候，死會嚟搵你丫，你去搵佢？
– 生命就是自助餐的過程，很多嘢食、很多選擇。而自殺果啲就係，食咗兩啖然後叫：「埋單！」

【論成長】
– 成長就是，從有病到冇得醫。
– 對一個幻想出來嘅人感到內疚，呢啲就叫幼稚，而對一個真實不幸嘅人可以無動於衷，呢啲就係真正嘅長大。
– 當你覺得自己有運行嘅時候，代表你就黎「瀨嘢」。

【論香港】
– 香港嘅精神，就係「冇精神」。
– 人類有人類自己嘅食物鏈，人類嘅食物鏈簡單好多，只有三種。最下層係無產，中層係中產，頂層係ｘ家產！
– 知唔知一國兩制最偉大地方係乜？就係肯承認佢自己個制，真係嚇親人！

黃子華最後棟篤笑《金盆浪口》